Header Ads

  • Berita Tebaru

    9 buah rumah kedai kayu ambis lengis di empa api

    Gambar di palan penusah ke angus kenyadi tengah malam tadi.

    MIRI: Sembilan buah rumah kedai kayu dua tingkat di Pekan Beluru, Bakong ditu ambis lengis diempa api pengudah penusah angus nyadi urung jam 12.30 tengah malam tadi. 

    Ketuai Opis Bomba enggau Penyelamat Malaysia (JBPM) Zon Miri, Law Poh Kiong madah penusah angus nya udah nganguska rumah kedai ke betampung nya angus musnah 100 peratus.

    "Segerup raban bomba ngesah ke palan penusah kenyadi pengudah nerima ripot pasal penusah nya urung jam 12.52 tengah malam.

    "Raban Bomba ngemadamka api nya ngena air pili bomba kesemak enggau api nya udah mujur dipadamka sida iya," ku iya nerangka pengarang berita sehari tu tadi.

    Law madahka nadai bakal sereta nadai penusah bebadi nyawa di palan penusah kenyadi enggau kebuah penusah angus nyadi agi dipansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: