Header Ads

  • Berita Tebaru

    Anak enda guna..

    Gambar pengias.

    MIRI: Ketegal enda ngasuh ngena entukar, siku lelaki kempang ati deka ngachuk apai tiri iya ngena pisu lipat di rumah iya di Permyjaya, di Miri, pagi kemari.

    Taja pia, ulah suspek beumur 23 taun nya makai diri iya empu pengudah iya ditangkap polis urung jam 10 malam kemari sepengudah mansa beumur 50 taun ngaga ripot polis.

    Nitihka penerang ke diterima kami, kes nyadi urung jam 11.30 pagi lebuh maya suspek enggau mansa sama bela bisi di rumah sebedau iya minta mansa deka nginjau entukar iya.

    Ku orang ke meri penerang ngagai raban kami, enda mukai-mukai suspek nya lalu ringat sereta nyida pengudah utai ke dipinta suspek enda dikibuhka mansa.

    "Mansa enda ngasuh suspek nya ngena entukar nya laban suspek nadai lesen deriba 'memandu' sereta takutka utai ke dikenangi tau nyadi baka penusah eksiden.

    "Suspek nya mega bisi bekaul enggau kes dadah, nya kebuah apai tiri iya irauka entukar nya dikena iya ngereja pengawa ti enda menuku," ku iya.

    Ku iya, mansa lalu ngelarika diri laban takutka dijamah tauka dipalu pengudah meda suspek baka orang ke enda lurus pendiau sereta deka ngachuk iya ngena pisu lipat.

    "Mansa pengudah nya lalu ngaga ripot polis laban enda lantang ati sereta ke nyikap diri empu," ku iya.

    Berebak enggau nya, pengari polis madahka suspek udah kena tangkap.

    “Kes tu dipansik ari baruh Seksyen 506 Kanun Keseksaan,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: