Header Ads

  • Berita Tebaru

    Bangkai mansa perau karam di Nanga Enrising Entabai, Julau udah temu

    BESAUP: Operasyen SAR tauka ngiga mansa benung dipejalaika.

    JULAU: Tiga iku diri sebilik diripot lenyau pengudah bangkung ke di tepan sida karam ba Lubok Sepali, Nanga Ensiring, Sungai Kanowit kena malam Hari Empat tu tadi.

    Tim Ngiga enggau Nyelamat (SAR) baka bala pemesai Opis Pengerara Api enggau Penyah Penusah (BOMBA), Polis, Penyaga Pengelikun Mensia Mayuh enggau Peranak rumah panjai nya nya udah tetemu bangkai siku ari sida nya urung pukul 12.30 kemari (25 Mei).

    Bangkai ke ditemu iya nya Lenny Ingang, 54, indai  Markus Kaya, 26, ke selamat ba penusah nya ti datai ngagai ripot ngagai Balai Polis Julau urung pukul 11.30  pagi kemari.

    Ku Marcus, sida  bekejang nuju rumah panjai di  Nanga Ensiring, sungai Kanowit  ari penyangkai perau Nanga Entabai urung pukul 5.00lemai kena 24 Mei.

    Pengudah urung dua jam pejalai, sida datai ba endur nya ke dikumbai sida Lubok Sepali, ke endur bangkung sida lalu karam.

    Bisi tiga iku semua sida nepan bangkung nya, indai iya, menyadi indu iya, Eviline, ke  beumur 23 taun, enggau menyadi lelaki iya, Kelvin, ke beumur enam taun, mega lenyau tabanka ai, ku Markus.

    Ketuai Opis Pengerara Api enggau Penyah Penusah Pelilih Bintangor, Nicholas Belulin madah, pengudah n erima ripot pasal penusah nya ari Indu Opis Polis Julau lemai kemari, sida lalu nganjung siti tim ari opis nya enggau ba operasyen SAR.

     Urung pukul12.30 tengah hari kemari,tim SAR udah tetemuka bangkai siku ari sida iya nya Lenny Ingang.

    Kelimpah ari operasyen SAR ngiga dua iku ke lenyau nya, raban opis nya mega bisi enggau ba operasyen ke sebaka di Nanga Sayong, Nanga Entabai ke alai siku lelaki ke beumur 66 taun, Anjau Nyua diripot lenyeau ke dipelaba lemas pengudah iya labuh ari bangkung ke endur iya duduk di Nanga Sayong kena pagi Hari Dua.

    Nyentuk lemai ensanus, tim SAR di Nanga Ensiring enggau Nanga Sayong lalu apin tetemuka sida ke lenyau nya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: