Bangkai siku lelaki ditemu melepu di Sungai Batu Kawah - Berita Iban Online

Header Ads

  • Baru Nyadi

    Bangkai siku lelaki ditemu melepu di Sungai Batu Kawah

    Bangkai siku lelaki ditemu melepu di palan penusah kenyadi, urung jam 9.20 pagi kemari.

    KUCHING: Bangkai siku lelaki ditemu melepu di Sungai Batu Kawah, urung jam 9.20 pagi kemari.

    Nitihka dipadah, mansa dikelala enggau nama Voon, beumur 29 taun, bisi diripotka apai iya madahka iya nadai pulai ke rumah belabuh Hari Satu, minggu tu tadi.

    “Pagi kemari, peranak menua nya bisi tepedaka utai melepu baka bangkai mensia di sungai nya sereta berumban ngaga ripot ngagai polis.

    “Asil pansil tumu bangkai ke melepu nya dipelabaka siku mansa ke diripotka apai iya lenyau kena 7 Mei tu tadi, raban polis mega bisi tetemuka motosikal mansa ke diengah iya di baruh Jematan Sungai Batu Kawa,” ku iya.

    Beberapa iku raban Bomba enggau Penyelamat Malaysia (JBPM) datai ngesah ke palan penusah nyadi kena nulung ngambi bangkai mansa serata deka nganjung bangkai mansa nya ke raban polis kena bejalaika pengawa mansik.

    “Raban Bomba ngambi bangkai mansa nya ngena perau peranak menua nya enggau dibaie ke sungai di Pangkalan Kampung Segedup enggau diserah ke raban polis,” ku iya.

    Nitihka dipadah, bangkai mansa nya udah kembai ketegal dipechayaka berendam tauka melepu ba ai sunggai nya pengelama tiga hari dianjung ke Jabatan Perubatan Forensik Hospital Umum Sarawak (HUS) kena bejalaika pengawa bedah siasat.

    Naka kediatu, raban polis agi bejalaika pengawa mansik kes tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads