Bangkai siku lelaki nadai dokumen pengelala ditemu melepu ba ai Sungai Petanak, Kuching.
Cari Berita

Advertisement

Bangkai siku lelaki nadai dokumen pengelala ditemu melepu ba ai Sungai Petanak, Kuching.

Chief Editor | Berita Iban MY
May 5, 2018

Raban Bomba enggau Penyelamat Malaysia (JBPM) Sarawak meresa tubuh mansa.

KUCHING: Bangkai siku lelaki ke nadai dokumen pengelala dipechayaka lemas lebuh ke ditemu melepu di ai Sungai Jalai Petanak, pagi kemari.

Pengari ari Opis Bomba enggau Penyelamat Malaysia (JBPM) Sarawak madah sida iya bisi nerima ripot bisi meda orang melepu dipelabaka lemas ditisi sungai Petanak urung jam 11.04 pagi kemari.

Berebak enggau nya, tiga iku raban Bomba datai ngesah ngagai palan penusah nyadi.

"Naka kediatu, mansa ke lemas nya apin dikelala laban dokumen pengelala iya nadai ditemu ba palan penusah nyadi", ku iya.

"Nitihka pansik tumu, mansa nya siku lelaki, dipelabaka beumur 30 taun", tandu iya.

Bangkai mansa nya udah dianjung ke Jabatan Perubatan Forensik Hospital Umum Sarawak ngambika ulih peresa nyentuk agi.