Bini midang ba mua laki iya di tisi jalai Petra Jaya - Berita Iban Online

Header Ads

  • Baru Nyadi

    Bini midang ba mua laki iya di tisi jalai Petra Jaya

    SINU MEDA: Mansa enggau laki iya ba palan penusah nyadi.

    KUCHING: Anchur luluh ati sereta enda berasai bekeberai ai mata siku lelaki pengudah meda bini ngapuska seput ba mua iya ditisi jalai.

    Enda kempang iya ka ngelekaka jari bini iya, asaika enda pechaya bini iya udah midang sereta ninggalka iya mulaika diri ke batang mandai..

    Nya meh utai kenyadi ba dua iku melaki bini, pengudah kes lantak lari nyadi di Petra Jaya lemai kemari.

    Berebak enggau nya, Polis Kuching lalu ngiga siku orang ke deriba kereta Proton Axia kena mantu sereta mansik kes lantak lari kenyadi di Jalai Tun Datuk Patinggi Abdul Rahman Yaakub.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madahka penusah nya nyadi urung jam  5.10 lemai kemari, maya orang ke gawa pulai ari opis enggau mulaika diri ke rumah.

    “Mansa, siku indu nepan motosikal Honda Wave begulai enggau laki iya ba lurung kiba ari muak ke Satok nuju ke Matang.

    “Benung bejalai ngena motosikal lurus, mansa dilantak sebuah kereta Perodua Axia berwarna biru ari kemudi sebedau labuh ba atas jalai.

    “Mansa balat bakal ba pala lalu madamka seput ba palan penusah nyadi, laki iya bakal ba pegu, kaki enggau belakang tubuh iya.

    “Raban paramedik Hospital Umum Sarawak madahka mansa nya midang urung jam 5.30 lemai.

    “Bangkai mansa udah dianjung ke Jabatan Forensik Hospital Umum Sarawak tang laki iya dianjung ke Jabatan Trauma dan Kecemasan, Hospital Umum Sarawak ngambika ulih diperubat enggau silik agi.

    Kes tu dipansik ari baruh Seksyen 41(1) Akta Pengangkutan Jalan 1987 enggau deriba ke ngelantak mansa nya benung digiga raban polis.

    Nuju sapa ke bisi meda maya penusah nyadi enggau sapa ke bisi penerang pasal saspek ke digiga tu, tau ngaga ripot ngagai balai polis kesemak tauka betalipaun ngagai 082-244444. Terima kasih.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads