Header Ads

  • Berita Tebaru

    Dato Bernard Agan Assan Temenggung Pelilih Kuching ke baru

    KUCHING: Dato Bernard Agan Assan dichiri nyadi Temenggung Pelilih Kuching ke baru nganti niang Datuk Temenggung James Jimbun Pungga.

    Bernard nerima setipikit chiri ari Kepala Menteri Datuk Patinggi Abang Johari Tun Openg ba Program Sejiwa Senada ke diatur di Laman Bandar Baru MJC Batu Kawa ditu, kemari.

    Program Sejiwa Senada di MJC Batu Kawa ke diatur Perintah Negeri, nyadi program kelima diatur taun tu pengudah di Miri, Saratok, Meradong enggau Sibuti.

    Pengudah tu, program deka diatur di Lubok Antu kena 7 nyentuk ngagai 8 Mei tu.

    Sekretari Perintah Nengeri, Tan Sri Morshidi Abdul Ghani ba jaku iya madah program nyadi sa’iti inisiatif ngerapitka kaul enggau rayat. 

    Mayuh bengkah pengawa bisi diatur rambau dua hari berunggu program baka ke pengawa mandangka barang, servis, pengawa bejual pemakai enggau ai irup sereta panggau pemerindang.

    ‘Ba program tu, kitai mandangka pemansang sosio ekonomi Sarawak nyengkaum pemansang ke udah digaga di menua pesisir.

    “Kitai mega mandangka pekara ke bekait enggau ekonomi digital, servis ke disedia perintah baka ke servis pengerai, pelajar enggau sekeda ke bukai,’ ku Morshidi.

    Program kemari dipenyadi Kepala Menteri Datuk Patinggi Abang Johari Tun Openg ke disempulang bini iya, Datin Patinggi Dato Juma’ani Tuanku Bujang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: