Header Ads

  • Berita Tebaru

    Dua iku PATI ditangkap, dipelabaka bisi bekaul enggau kes enchuri motosikal

    TAHNIAH RABAN 13 RAMD: Dua motosikal ke dirampas enggau suspek ke dipechayaka enchuri motosikal.

    BAU: Raban Batalion Ke-13 Rejimen Askar Diraja Melayu (13 RAMD) udah mujur nangkap dua iku lelaki penatai orang luar ke nadai pemendar (PATI) dipelabaka bisi bekaul enggau kes enchuri motosikal di Kampung Serikin ditu maya bejalaika operasyen, kemari.

    Urung jam 9.40 pagi, maya raban 13 RAMD ngasuh kededua saspek nya, beumur 23 enggau 24 taun ngetu sereta deka meresa, dia saspek nya dipeda baka ke enda entu entap duduk tauka kesal.

    “Asil ari peresa raban 13 RAMD bisi tetemuka berapa iti perengka kena enchuri motosikal dan mata duit asing penyampau 80,000 rupiah.

    “Kelimpah ari nya, kededua saspek nya mega nadai ngembuan dokumen pengelala ke sah,” ku iya madahka peberang berita.

    Kededua saspek nya enggau semua barang ke dirampas urung penyampau mata duit berega RM17,000 udah diserahka raban Raban Batalion Ke-13 Rejimen Askar Diraja Melayu (13 RAMD) ke Balai Polis Daerah (IPD) Bau, kena bejalaika pengawa mansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: