Header Ads

  • Berita Tebaru

    Dua iku sekaban bebadi di Kilometer 40 Jalai Lubok Antu - Sri Aman

    Gambar ba penusah kenyadi malam kemari. 📷#Polis

    LUBOK ANTU: Dua iku sekaban bebadi pengudah motosikal Modenas ke ditepan seduai iya belantak enggau sebuah bas di Kilometer 40 Jalai Lubok Antu - Sri Aman, Lubok Antu, malam tadi.

    Eksiden nyadi urung jam 8.30 malam tadi ngejungka Celvin Inggol Ogos, 20 taun, enggau Domanick Ubong, 16 taun, disahka midang di palan penusah nyadi ketegal balat bakal ba pala enggau tubuh.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madahka eksiden tu nyadi antara tiga buah motosikal, sebuah bas enggau sebuah entukar.

    Nitihka pansik tumu, Celvin begulai enggau Domanick ke nepan motosikal benung deka ngelih dua buah motosikal ke ditepan ka seduai iya.

    "Tang motosikal ke ditepan Celvin tepawah maya datai ba jalai betiku sebedau iya tama ke jalai ngelaban arus," ku iya.

    "Ngam-ngam gak maya nya bisi sebuah bas mansang ari muak penatai sebedau ngelantak motosikal mansa.

    "Pengudah nya, kededua mansa nya lalu dilantak dua buah motosikal ke ditepan kaban iya enggau sebuah entukar ke ditepan lelaki ketegal enda sempat nyeliah" ku iya nerangka raban berita seharitu tadi.

    Alexson madahka tubuh tauka bangkai mansa udah dianjung ke Sepital Sri Aman kena bejalaika pengawa bedah siasat.

    Kes tu dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: