Empat buah rumah teres setingkat di Taman Hui Sing, angus tengah hari tadi - Berita Iban Online

Header Ads

  • Baru Nyadi

    Empat buah rumah teres setingkat di Taman Hui Sing, angus tengah hari tadi

    Gambar dipalan penusah kenyadi.

    KUCHING: Empat buah rumah teres setingkat di Taman Hui Sing, ambis lengis angus diempa api tengah hari tadi.

    Pengari Opis Bomba enggau Penyelamat Malaysia (JBPM) Sarawak madah raban ari Balai Bomba enggau Penyelamat Batu Lintang ngesah ke palan penusah kenyadi pengudah nerima ripot urung jam 12.55 tengah hari.

    “Komander operasyen ngeripotka penusah angus nyadi di sebuah rumah teres setingkat, stail entap (kekal) enggau api nyerarai ke rumah ke empat, tang api udah mujur dipadamka sebedau datai ba rumah ke lima.

    “Operasyen ngemadamka api mujur 100% urung  jam 2.40 lemai,” ku iya madahka raban pengarang berita lemai tu tadi.

    Nadai bakal enggau bebadi nyawa diripotka di palan penusah angus kenyadi.

    Kebuah penusah angus tu nyadi enggau penyampau reta tengkira ke udah angus agi dipansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads