Header Ads

  • Berita Tebaru

    Injil Seharitu: Hari Enam, 12 Haribulan 5, 2018 dalam Minggu Ke-enam Musim Paska

    Injil Seharitu: Hari Enam, 12 Haribulan 5, 2018 dalam Minggu Ke-enam Musim Paska.

    John 16: 23B - 28

    Ku Jesus bejaku ngagai bala murid Iya:
    “Enggau bendar Aku madah ngagai kita, enti kita minta sebarang utai ari Apai dalam nama Aku, Iya deka meri utai nya ngagai kita.

    Nyentuk ngagai diatu, kita nadai udah minta utai dalam nama Aku. Pinta lalu kita deka nerima, ngambika ati kita chukup gaga.

    “Aku udah nyebut utai tu ngagai kita ngena jaku sempama. Tang maya deka datai alai Aku enda agi bejaku ngagai kita ngena jaku sempama, tang bejaku enggau terang pasal Apai.

    Lebuh maya nya ila, kita deka minta utai dalam nama Aku. Aku ukai madahka Diri deka minta ngagai Apai ngarika kita, laban Apai Empu rinduka kita, laban kita udah rinduka Aku lalu udah arapka Aku datai ari Allah Taala.

    Aku datai ari Apai, lalu Aku udah datai ngagai dunya. Lalu diatu Aku deka ninggalka dunya lalu mupuk ngagai Apai.” - Injil Tuhan #MichaelIli #JuliaDonald

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: