Injil Seharitu: Hari Minggu, 6 Haribulan 5, 2018 dalam Minggu Ke-enam Musim Paska - Berita Iban Online

Header Ads

  • Baru Nyadi

    Injil Seharitu: Hari Minggu, 6 Haribulan 5, 2018 dalam Minggu Ke-enam Musim Paska

    Injil Seharitu: Hari Minggu, 6 Haribulan 5, 2018 dalam Minggu Ke-enam Musim Paska.

    John 15: 9 - 17

    Ku Jesus bejaku ngagai bala murid Iya:
    “Baka Apai ke udah rinduka Aku, baka nya mega Aku udah rinduka kita. Meruan dalam pengerindu Aku.

    Enti kita ngasika pesan Aku, kita deka meruan dalam pengerindu Aku, baka Aku ke udah ngasika pesan Apai, lalu meruan dalam pengerindu Iya.

    Aku udah madahka utai tu ngagai kita, ngambika pengaga Aku bisi dalam kita, ngambika ati kita chukup gaga.

    Tu pesan Aku: rinduka pangan diri, baka Aku ke udah rinduka kita.

    Nadai orang ngembuan pengerindu ti besai agi ari tu, datai ke iya nyerahka nyawa diri ke pangan iya.

    Kita pangan Aku enti kita ngasika pesan Aku. Aku enda agi ngumbai kita ulun, laban ulun enda nemu utai ti dikereja tuan iya.

    Tang Aku udah ngumbai kita pangan, laban Aku udah madah ngagai kita semua utai ti didinga Aku ari Apai.

    Ukai kita ke milih Aku, tang Aku ke milih kita, lalu ngasuh kita bejalai lalu bebuah lebat, buah ti tan. Nya baru Apai deka meri ngagai kita sebarang utai ti dipinta kita ari Iya dalam nama Aku. Tu pesan ti diberi Aku ngagai kita: rinduka pangan diri.”
    - Injil Tuhan 📝📷#MichaelIli

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads