Injil Seharitu: Hari Satu, 21 Haribulan 5, 2018 ba Minggu Ketujuh Musim Selama - Berita Iban Online

Header Ads

  • Baru Nyadi

    Injil Seharitu: Hari Satu, 21 Haribulan 5, 2018 ba Minggu Ketujuh Musim Selama

    Lebuh semua utai nya benung nyadi, indai Jesus, menyadi indai Iya, iya nya Maria bini Klopas, enggau Maria Magdalin bediri semak regang Jesus.

    Injil Seharitu: Hari Satu, 21 Haribulan 5, 2018 ba Minggu Ketujuh Musim Selama (Memorial of the Blessed Virgin Mary, Mother of the Church).

    John 19: 25B - 34

    Lebuh semua utai nya benung nyadi, indai Jesus, menyadi indai Iya, iya nya Maria bini Klopas, enggau Maria Magdalin bediri semak regang Jesus.

    Lebuh Jesus meda indai Iya, enggau murid ke dikerinduka Iya bediri ngimbai iya, Iya lalu bejaku ngagai indai Iya, “Indu, tu anak nuan.”

    Iya lalu bejaku ngagai murid nya, “Tu indai nuan.” Berengkah ari nya murid nya lalu mai indai Jesus ngagai rumah iya empu.
    Udah bekau nya, lebuh Jesus nemu semua utai udah tembu magang, Iya lalu bejaku, “Aku aus.” Tu ngamatka Bup Kudus.

    Ba endur nya bisi sigi kebuk ti penuh laban wain ti masam. Nya alai sida ngengkahka siti bungai karang ti penuh laban wain ti masam nya ba pating isop, lalu nuatka utai nya ngagai mulut Iya.

    Lebuh Jesus udah nerima wain nya, Iya lalu bejaku, “Udah tembu!” Iya lalu ngendukka pala, lalu ngapuska seput.

    Laban hari nya Hari Alai Nyendiaka Gawai, orang Judah enggai nejuka bangkai Jesus mengkang ba kayu regang lebuh hari Sabat (kelebih agi laban hari Sabat nya amat kudus). Nya alai sida lalu minta Pilate ngasuh orang matahka kaki orang ke diregang, ngambika bangkai sida tau diambi ari regang nya.

    Sida soldadu mansang lalu matahka kaki orang ke terubah, enggau kaki siku ti bukai ke diregang sama enggau Jesus.
    Tang lebuh sida datai ngagai Jesus, lalu meda Iya endang udah mati, sida enda matahka kaki Iya.

    Tang siku soldadu ngerejang rusuk Jesus ngena sangkuh. Tekala nya darah enggau ai lalu ensambur pansut.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads