Injil seharitu: Hari Tiga, 16 Haribulan 5, 2018 dalam Minggu Ketujuh Musim Paska - Berita Iban Online

Header Ads

  • Baru Nyadi

    Injil seharitu: Hari Tiga, 16 Haribulan 5, 2018 dalam Minggu Ketujuh Musim Paska

    Injil seharitu: Hari Tiga, 16 Haribulan 5, 2018 dalam Minggu Ketujuh Musim Paska.

    📖 John 17: 11b-19

    Jesus engkadah ke langit lalu besembiang:

    Apai ti Kudus, jaga sida ngena kuasa nama Nuan, nama ti udah diberi Nuan ngagai Aku, ngambika sida nyadi siku, baka Tua ke endang siku.

    Lebuh Aku agi enggau sida, Aku udah nyaga sida ngena kuasa nama Nuan, nama ti udah diberi Nuan ngagai Aku.

    Aku udah nyaga sida, lalu nadai siku sida lenyau, kelimpah ari siku ke endang diletak deka lenyau, ngambika Bup Kudus dikamatka.

    Tang diatu Aku deka datai ngagai Nuan, lalu Aku nyebut utai tu di dunya tu, ngambika pengaga Aku nyadi pemadu chukup dalam sida.

    Aku udah meri pesan Nuan ngagai sida, lalu dunya udah begedika sida, laban sida ukai enggi dunya, baka Aku ke ukai enggi dunya.

    Aku ukai minta Nuan ngambi sida ari dunya, tang minta Nuan nyaga sida ari iya ti jai.

    Sida ukai enggi dunya, baka Aku ke ukai enggi dunya.

    Kuduska sida dalam pemendar. Jaku Nuan nya pemendar.

    Baka Nuan ke udah ngirumka Aku ngagai dunya, baka nya mega Aku ngirumka sida ngagai dunya.

    Lalu ketegal sida, Aku nguduska Diri Empu, ngambika sida mega dikuduska dalam pemendar. - Injil Tuhan 📝#MichaelIli #JuliaDonald

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads