Header Ads

  • Berita Tebaru

    Kelalu gidan, anak diketup enggau getil ngejungka bebadi

    Raban polis nganjung mansa ke sepital kena bejalaika pengawa bedah siasat. Gambar mit, suspek ke ngetup enggau ngetil mansa.

    MAKASSAR: Siku apai ngetup anak lelaki iya ke beumur empat taun nyentukka mati ngaku diri ngereja ulah nya ketegal kelalu gaga atk meda anak iya cute tauka comel.

    Lelaki beumur 28 taun nya ditangkap pengudah anak iya dipasukka ke sepital sebedau ngapuska seput ketegal di ketup iya ngejungka balat bakal ba sebelah tubuh.
     
    Polis madahka lelaki nya nganjung anak iya ke sepital enggau madahka anak iya nya bakal ketegal eksiden ngena motosikal lebuh maya bejalai tauka raun di pantai Losari ditu, minggu nyin kemari.

    Taja pia, anak mit nya ngapuska seput maya iya benung diperubat enggau lutor madahka mansa nya bisi kena jamah pengudah bisi meda mayuh abi telih ba tubuh mansa nya.

    “Piak sepital nya enda pechayaka apai mansa nya enggau lalu bejalaika pengawa bedah siasat.

    “Asil bedah siasat, anak mit nya balat bakal ba tubuh enggau abi ke bakal nya ukai bepun tauka ketegal ari eksiden,” ku iya.

    Pengudah ditanya enggau dipansik raban polis, lelaki nya nyau ngaku diri bisi ngetup anak iya beberapa kali.

    Lelaki nya madahka diri suah amai gidan deka ngetup enggau nyetil anak iya laban kelau cute tauka comel.

    “Aku ngetup anak aku laban aku kelalu gidan meda iya,” ku lelaki nya madahka polis.

    Nitihka ripot ari raban media, lelaki nya ngeransi tauka nganu laban anak iya enggai diberap.

    Ku polis, lelaki nya dikenaka ukum jil pengelama 15 tahun enti iya ditemu sereta ngaku diri munuh anak iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: