Kumbai aku ikan, nemu nya tak baya
Cari Berita

Advertisement

Kumbai aku ikan, nemu nya tak baya

Chief Editor | Berita Iban MY
May 7, 2018

Gambar baya pemerat 60kg ke diulih Murah enggau menyadi iya. 📷#FrancisNguHownHwa

MUKAH: “Kumbai aku pukat berat penuh endur ikan tang nyau tekenyit meda baya," ku orang berikan, Murah Busra, 45 taun.

Urung 3 lemai kemari, Murah begulai enggau menyadi iya benung nangkap 'ikan benong' di sungai besemak sungai Tanjung Jol Muara Lassa, Mukah, sebedau baya nya ulih pukat seduai iya.

"Pukat nya berasai berat maya ditarit seduai iya, gaga meh tudah asai ati ngumbai diri mayuh bulih ikan benong," ku iya.

"Pengudah beigar-igar narit pukat nya niki ke perau tang tua menyadi aku nyau ngapu (tekenyit) meda baya ke diulih pukat nya," ku Murah maya ditanya pengarang berita tadi.

Ku iya, pengudah beberapa minit narit pukat nya, baya pemerat 60 kilogram enggau pemanjai urung 4 meter nya udah mati.

Ku iya, pengelama 6 taun aku udah nyadi orang berikan, tu meh keterubah ia aku bulih baya.

"Puji Tuhan laban baya nya udah mati, enti baya nya agi idup engka pedis tua menyadi aku narit pukat nya, gerenti ngelaban baya nya.

"Baya nya udah dibaie ke pantai lalu deka dikuburka enggau bantu peranak menua nya," ku iya.