Laki bini ditangkap ketegal bisi nyelalaika dadah di rumah
Cari Berita

Advertisement

Laki bini ditangkap ketegal bisi nyelalaika dadah di rumah

Staf @beritaibanMY
May 1, 2018

Polis mai suspek ke bisi ngelalaika dadah.

LIMBANG: Sepasang laki bini ditemu bisi nyimpan dadah di rumah seduai iya di Taman Damai, Jalai Limpaki ditan tauka reman pengelama enam hari kena mantu enggau bejalaika pengawa mansik.

Ketuai Polis Pampang Limbang, Superintendan Mohd. Bukhori Saffiai madahka, suspek nya ditan tauka reman nitihka peminta ari Pegawai Pentadbir Sarawak, Racha Balang di kort Limbang ditu tadi.

“Seduai melaki bini nya beumur 32 enggau 33 taun, orang gawa perintah ditangkap pengudah rumah seduai iya diperesa raban polis urung jam 1.55 lemai kemari.

Gambar dadah ke dilalaika di rumah.

“Asil peresa di dapur rumah nya tetemuka sekambut pelesetik chelum ke bisi 15 peket pelesetik lutsinar mayuh bengkah saiz enggau 21 iti tiub straw ke diisi leka kristal dipelabaka syabu,” ku iya.

Tandu iya, syabu tu dipelabaka pemerat 37.17 gram enggau penyampau mata duit RM5,550.

“Ripot tauka perasa air kemi, kededua suspek nya negatif dadah.

“Kes dipansik nitihka genteran Seksyen 39A (2) Akta Dadah Berbahaya 1952,” ku iya.