Header Ads

  • Berita Tebaru

    Lima iku sepintu bilik bebadi di Kilometer 45 Jalai Sibu - Selangau

    Gambar eksiden di Kilometer 45 Jalai Sibu-Selangau, seharitu tadi.

    SIBU: Lima iku sepintu bilik bebadi pengudah entukar ke ditepan sida iya kena dujuk sebuah lori treler sebedau belantak enggau bas ekspres di Kilometer 45 Jalai Sibu-Selangau, seharitu.

    Maya eksiden nyadi urung jam 3.45 lemai tadi, lima mansa ke bebadi nya siku deriba lelaki, dua iku indu orang tuai, dua iku anak mit lelaki enggau indu beumur empat enggau 12 taun.

    Ketuai Polis Pampang Dalat, DSP Roslan Leman madah nitihka pansik tumu kereta ke ditepan mansa benung dirantau jalai ari Jalai Sibu nuju ke Selangau.

    "Kereta ke ditepan lima iku sepintu bilik nya dipechayaka brek ngenyit enggau sebuah lori treler ke entudi sida iya enda ulih nyeliahka sida iya, lori treler nya lalu nujuk kereta ke ditepan mansa nya ke jalai ngelaban arus, lalu ngejungka belantak enggau bas ekspres," ku iya nerangka raban pengarang berita seharitu tadi.

    Ku iya, eksiden tu mega udah ngerusakka dua buah entukar ianya hilux enggau sebuah agi entukar.

    Ku Roslan, lima iku mansa ke bebadi nya dikelala enggau nama:

    Seduai melaki bini:
    1. Gelunsin Sugi (apai), beumur 44 taun.
    2. Alfreda Do (indai), beumur 33 taun.

    Enggau tiga iku anak seduai iya:
    3. Annatasia Ulas (anak indu), beumur 15 taun.
    4. Camilla Angel (anak indu), beumur 10 taun.
    5. Richmont Mumin (anak laki), beumur 5 taun.

    Berita tu diambi raban "Berita Iban Online" ari raban Opis Polis (IPD) Pampang Dalat, Opis Paramedik Hospital Sibu enggau raban Angkatan Pertahanan Awam Malaysia (APM) Sibu ke benung mantu bala ke tasah di palan penusah nyadi.

    "Kes dipansik ari baruh Seksyen 41 (1) Akta Pengangkutan Jalan 1987," ku iya.

    Gambar pasal berita tu ulih dipeda nuan ba Facebook Pages kami: Berita Iban Online

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: