Menyadi nyadi antu jelu - Berita Iban Online

Header Ads

  • Baru Nyadi

    Menyadi nyadi antu jelu

    Suspek ke nimbak mansa udah mujur di tangkap raban polis di rumah kes kenyadi.

    MIRI: Siku lelaki bebali nyadi antu tauka jelu enggau ngembuan ati ti chelum deka nimbak menyadi indu (kakak) kandung iya ngena senapang patah ke digaga iya empu, urung 11.30 malam minggu nyin tadi.

    Kes tu kenyadi di sebuah rumah di Taman Tunku, ditu, mansa beumur 47 taun, selamat enggau semina bakal ba berang sepiak kanan.

    Ketuai Polis Pampamg Miri, Asisten Komisioner Lim Meng Seah, madah suspek beumur 36 taun nya, diripotka enda mukai-mukai ngeransi enggau nyamah mansa ke baru pulai ke rumah ari pengerami (majlis kenduri).

    Ku iya, suspek udah nya ngachitka senapang di dalam rumah, mansa nya lalu ngelarika diri.

    "Tang suspek ngagai mansa enggau ngachitka sekali agi senapang nuju ke belakang mansa lalu ngejungka mansa nya rebah," ku iya maya ditanya raban pengarang berita.

    Ku iya, beberapa iku raban polis beguai ngesah ke palan penusah kenyadi pengudah nerima ripot pasal kes nya enggau mujur nangkap suspek di rumah nya.

    "Mansa bakal ba berang sepiak kanan ketegal kena timbak mansa ngena senapang seterum peluru penabur nya.

    "Mansa ditaban ke Hospital Miri enggau diripotka agi idup tauka selamat (dalam keadaan stabil)," ku iya.

    Ku Meng Seah, senapang patah ke digaga suspek nya kediri mega udah dirampas raban polis.

    "Suspek dibaie ke Balai Polis Pusat Miri kena bejalaika pengawa silik agi enggau polis agi mansik nama kebuah kes tu tau nyadi," ku iya.

    Nitihka dipadah, suspek nya nadai gawa (penganggur) sereta dipechayaka di mabuk (pengaruh alkohol).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads