Munuh diri ketegal enda teaumka bini - Berita Iban Online

Header Ads

  • Baru Nyadi

    Munuh diri ketegal enda teaumka bini

    Gambar pengias.

    TERENGGANU: Siku lelaki ditemu mati pengudah ngantung diri dipechayaka ketegal penanggur ruang bilik di Chendering, Kuala Terengganu, kemari.

    Bangkai lelaki beumur 27 taun enggau gawa nyadi 'pengawal keselamatan' nya ditemu menyadi lelaki benung tegantung di dalam bilik tinduk urung jam 5.15 lemai.

    Nitihka penerang ke diterima kami, sebedau kes nyadi, lelaki nya dipeda baka orang ke tusah ati pengudah saru penemu tauka belaya enggau bini iya ke beumur 26 taun.

    Ku iya, ketegal laya entara seduai iya, bini iya mutus ati enggau anak iya ke beumur 10 bulan mulaika diri ngagai rumah apai indai iya empu.

    "Nitihka dipadah, lelaki nya udah berapa kali datai ke rumah entua iya deka ngaum sereta mai bini iya pulai baru, tang enda dikeibuhka bini iya.

    "Berebak enggau nya, lelaki nya kelalu tusah ati, lalu enda nurun kereja enggau ngurung diri di dalam bilik," ku iya.

    Berindik enggau nya, Ketuai Polis Pampang Kuala Terengganu Asisten Komisioner Idris Abd Rafar maya ke ditanya ngesahka kes tu diklasifikasika mati ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads