Header Ads

  • Berita Tebaru

    Ngelantak dinding stesyen minyak

    Gambar di palan penusah kenyadi.

    KUCHING: Mensia mayuh begau di stesyen minyak di Jalan Song, ditu, pengudah Perodua Kenari ke ditepan siku orang tuai (warga emas) ngelantak stesyen minyak nya, sehari tu tadi.

    Eksiden nyadi urung jam 9.35 pagi tadi, mansa, lelaki beumur 69 taun nya dipechayaka entukar ke ditepan iya tepawah sebedau ngelantak dinding stesyen minyak nya.

    Pengari Opis Bomba enggau Penyelamat Malaysia (JPBM) Sarawak madah bisi nerima ripot pasal penusah kenyadi urung jam 9.41 pagi.

    Ku iya, segerup pegawai enggau raban ari Balai Bomba enggau Penyelamat Tabuan Jaya berumban ngesah ke palan penusah kenyadi.

    "Lebuh maya masuk ke  stesyen minyak, Iya dipecahayaka teindikka pengeris minyak sebedau ngelantak dinding stesyen minyak nya.

    "Taja pia, mansa dipansutka peranak menua nya ke bisi di palan penusah kenyadi enggau mansa nya diripotka enda balat bakal sebedau dianjung ke  Hospital Umum Sarawak ngambika ulih diperubatka enggau silik agi," ku iya.

    Ku iya, nadai penusah angus enggau raban bomba udah bejalaika pengawa ngemata enggau mansik di palan penusah kenyadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: