Nyamah bini enda ngenahka asi - Berita Iban Online

Header Ads

  • Baru Nyadi

    Nyamah bini enda ngenahka asi

    Gambar Pengias.

    KOTA KINABALU: Siku indu ditaban ke sepital pengudah pala iya dipalu laki iya ngena kayu ketegal enda ngenahka asi, di rumah seduai iya di Jalan Maktab Sabah, Kota Kinabalu, kemari.

    Kes nyadi urung jam 1.45 tengah hari, mansa beumur 21 taun, madahka diri pedis sereta sebening pala maya ke betalipaun ngagai ambulans enggau diperubatka di Hospital Queen Elizabeth.

    Nitihka dipadah, kes tu nyadi lebuh maya laki mansa ngasuh iya ngenahka asi, tang enda di keibuhka mansa laban benung bejembika gari di luar.

    “Suspek (laki mansa) pengudah nya alu ngeransi ketegal bini iya enda mending utai ku iya sereta ngasaika diri enda dipebasaka bini iya.

    “Iya udah nya, mansang semak mansa lalu malu belakang pala bini iya ngena kayu,” ku iya.

    “Mansa berasai takut sereta enda nyamai ati pengudah meda ulah laki iya bebali baka nya, iya pan lalu ngaga ripot ngagai polis,” tandu iya.

    Ketuai Polis Pampang Kota Kinabalu, Asisten Komisioner M Chandra, maya ke ditanya raban pengarang berita madahka bisi nerima ripot ari mansa nya enggau agi benung bejalaika pengawa mansik sentang kes tu.

    “Kes tu dipansik ari baruh Seksyen 324 Kanun Keseksaan,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads