OKU patut diberi bantu sereta dikemansang - Berita Iban Online | Laman Web Berita Kitai

Header Ads

  • Baru Nyadi

    OKU patut diberi bantu sereta dikemansang

    Gambar pengias -mole.my

    BINTULU: Raban Nyelai Pendiau (OKU) patut seruran dibantu sereta dikemansang ngambika sida ulih idup ngatika diri ba pengidup besehari sehari enggau nadai dibida enggau komuniti bukai.

    Menteri di Opis Kepala Menteri (Integriti enggau Ombudsman) ke lalu nyadi Kaban Kunsil Nengeri (ADUN) Jepak, Datuk Talib Zulpilip madahka raban OKU patut bela dibasa enggau nadai dibida penyelai sida.

    “Nasit siku-siku lebuh ada nyangka enda sama tang sida enda patut dibida lalu bala komuniti enda patut putus pengarap tang terus mantu enggau ngemansangka raban tu,” ku iya bejaku lebuh bejadika aie Autisme Charity Run tauka Pelanda Pengasih Dikena Ngiga Belanja di Commerce Square Mall Parkcity Commerce Square.

    Program tu mega digulu Sekretari Besai OKU Gemilang Bintulu, Mohamad Zephyan Nasution Junaidi, ti diatur Palan Pengerai Dalam Komuniti (PDK) OKU Gemilang Jepak Bintulu (OKU Gemilang Bintulu) enggau kerejasama Kelab Belia Sebiew.

    Ku Talib, raban OKU patut diberi peluang dikena ngayanka penau sida kelebih agi ba lumba lalu komuniti patut ngerami sereta begulai enggau sida kelai penyiru mantu raban nya, berebak enggau nya aktiviti ke bansa nya ulih nerenakka gaya idup bepengerai.

    Dulu agi ari nya, Chairman OKU Gemilang Bintulu, Ismawi Bujang madah, Vaie Autisme Charity Run disereta 300 pesereta ti terubah meleka lalu 69 pesereta OKU ungkup renggat kedua meleka.

    “Program ti diatur sekali tu iya nya nyerumba World Autisme ti udah digazet ba kalinda dunya,” ku iya nerang.

    Ku iya, rayat Malaysia enda dikenggai chukup siru ba program pengasih lalu sehari tu kami deka ngemai begulai semua orang ti beratika nilai kebersamaan enggau meri peluang ngagai bala nembiak mit OKU bediri sama tinggi enggau bala bukai.

    “PDK Gemilang Jepak udah manggai 10 taun lalu tetiap taun kami meri penyedar pangku pengawa bala komuniti ngagai raban OKU lalu sehari tu kami ngemai bala komuniti bela ngaul diri ukai semina meri sukung ngagai OKU aja tang nerima penatai ngagai palan kami kena Hari Satu enggau Hari Lima, begulai gawa ngemansangka bala nembiak mit OKU tu,” ku iya nambah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads