Header Ads

  • Berita Tebaru

    PAIS meri bantu ngagai pelajar kurang benasib manah di SK Senadin

    SIRU ATI: Samuel (tiga kiba) nyuaka bantu mata duit ari PAIS ngagai James, begulai enggau Linda (kiba) sereta raban AJK kebajikan PAIS.

    MIRI: Persatuan Iban Sarawak (PAIS) nyuaka bantu mata duit ngagai Sekolah Kebangsaan (SK) Senadin ditu, enggau ngembuan ati ti tuchi deka mantu sereta ngelempungka tating pengidup pelajar ke kurang benasib manah di sekula nya.

    Bantu mata duit nya disuaka Presiden PAIS Samuel Suring ngagai Guru Besar James Nibong di sekolah nya kemari.

    Ku Samuel, taja pan pemeri tauka bantu nya enda mayuh tang iya ngarapka bantu mata duit nya ulih mantu pelajar di sekula nya kelebih agi ngagai bala nembiak sekula ke kurang penatai pemisi tauka belanja.

    “Kami meri bantu tu ngagai semua pelajar ke kurang penatai pemisi kelebih agi orang ke bansa Dayak, tang PAIS enda bechiping enggau bala nembiak sekula kebukai mega enda ngira bansa enggau agama sida sigi disangkung kami magang.

    “Persatuan Iban Sarawak (PAIS) deka  mahu memastikan semua nembiak sekula nerima ajar 'pendidikan' nitihka stindit tikas pemansang dunya enggau enti sida ari ruang bilik ke miskin tauka kurang benasib manah sereta enda ulih bebelika perengka kena sekula, kurang belanja enggau utai bukai, PAIS sigi datai mantu,” ku iya.

    Ku Samuel, taja pan bantu tu enda berapa mayuh tang iya ngarapka nyadi teladan tauka chunto ngagai semua raban PAIS empu ngambika seruran ingat ke tanggungpengawa sida kelebih agi ngagai nembiak sekula ke kurang benasib nanah tauka kurang penatai pemisi.

    “Kami deka mai semua raban PAIS bisi ngasaika tanggungpengawa, penyinu enggau penyiru ngagai semua nembiak sekula ke kurang benasib manah,” tandu iya.

    Berebak enggau nya, penatai Samuel ke sekula nya begulai enggau beberapa AJK kebajikan PAIS ianya Pauline Panting, Laju Rina, Chrosper Kelly enggau Kanyan Badali, sereta disaksika Pengerusi Persatuan Ibu Bapa dan Guru (PIBG) Linda Jalak.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: