Header Ads

  • Berita Tebaru

    Patah berang ketegal deka nyeliahka jani

    Mohd Shaifuddin patah berang ketegal enda ulih nyeliahka jani.

    Gua Musang: Siku raban Sukarelawan Polis (PVR) patah berang kanan pengudah motosikal ke ditepan iya ngelantak jani di Jalan Kampung Jeram Tekoh ditu, malam kemari.

    Eksiden nyadi urung jam 11.20 malam, Mohd Saifuddin Abdullah, 31 taun, ke gawa di Opis Polis Pampang (IPD) Gua Musang ke eksiden pengudah tembu bejalaika pengawa ngemata sereta bejalai ba palan nya.

    Ketuai Polis Pampang Gua Musang Superintendan Mohd Taufik Maidin madah mansa nya benung dirantau jalai deka mulaika diri ke rumah iya di Taman Agropolitan Rantau Manis, ditu.

    Ku iya, lebuh maya mansa datai bdi palan penusah kenyadi, siku janji pansut ngenyit deka ngelayang jalai enggau mansa enda sempat nyeliahka jani nya lalu ngelantak jani nya.

    “Ketegal nya, mansa tepelanting ke tisi jalai sepiak kanan enggau patah berang kanan.

    “Peranak menua ke bisi meda di palan penusah kenyadi nulung mansa sebedau dianjung ke sepital Gua Musang ngambika ulih diperubat enggau silik agi,” ku iya.

    Iya mega ngelalau peranak menua nya ke ngena entukar enggau motosikal nyikap diri sereta anang laju maya nengah jalai nya laban mayuh jelu deka ngelayang jalai ke lebih agi muak ke malam.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: