Header Ads

  • Berita Tebaru

    Pemandai ba STEM deka nentu pemansang ke menyana

    Profesor Ir. Dr Andrew Ragai Henry Rigit. 📷 #Unimas

    KOTA SAMARAHAN: Penau ba pekara Sains, Teknology, Engineering enggau Mathematic (STEM) deka nentuka pemansang ke meruan, ku Profesor Ir. Dr Andrew Ragai Henry Rigit.

    Lecturer ari Fakulti Engineering, Universiti Malaysia Sarawak (Unimas) madah pemansang ke meruan nya ukai semina mungkur pemansang ba pekara teknologi tang bela nyerangkum pemansang sosial.

    Iya mansutka penerang nya ba Licha ‘Perdana’ ti nungkatka rambai jaku ‘STEM for Sustainable Development’ ke diatur di Palan Islam Tun Abang Salahuddin (PITAS) di Unimas kemari.

    Licha ngundang temuai dipebasa Menteri Pelajar, Sains enggau Pansik Teknologi Dato Sri Michael Manyin.

    Prof Andrew asal ari Kampung Semeba, Kuching udah lebih 20 taun gawa di Unimas ke alai dalam timpuh nya iya udah ngadu mayuh pansik ke bekait enggau teknology.

    Kelimpah ari nya iya suah dipinta meri penemu ngagai sekeda industri enggau ijinsi di Sarawak baka ke mantu isu ke bekaul enggau empas Rumah Hijau.

    Iya mega dipinta meri penemu sentang atur nyendia kar ke efisyen sereta beresi ungkup pengawa ngeringka buah lada enggau isu ke bekaul enggau konduktor kabel lektrik.

    Bela datai Mandal Canselor Unimas Datuk Dr Mohamad Kadim Suaidi. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: