Header Ads

  • Berita Tebaru

    Pengajar tadika bebadi pengudah motosikal ke ditepan iya tepawah

    Gambar di palan penusah kenyadi di Jalan Lunas-Padang Serai, lemai kemari.

    KULIM: Siku pengajar tadika bebadi pengudah motosikal ke ditepan iya tepawah di Jalan Lunas-Padang Serai besemak sebuah stesen minyak di Permatang Tok Dik, kemari.

    Eksiden nyadi urung jam 2.50 lemai nya, mansa Rabiatul Adawiyah Akalali, 21 taun, penatai ari Kampung Naga Lilit bebadi di palan penusah kenyadi ketegal balat bakal ba pala.

    Ketuai Polis Pampang Kulim, Superintendan Ahmad Nasir Jaafar madah maya penusah kenyadi mansa nya ngepan motosikal kediri iya aja.

    Ku iya, nitihka pansik tumu mansa nya dirantau jalai ari muak ke Padang Serai nuju ke Lunas.

    "Mansa dipechayaka tepawah ke tisi jalai kiba sebedau iya tepelanting ba atas jalai alun.

    "Ketegal eksiden nya, mansa nya balat bakal ba mua tauka pala enggau ngejungka iya ngapuska seput di palan penusah kenyadi.

    "Peranak menua nya ke bisi meda penusah kenyadi lalu betalipaun sereta ngaga ripot ngagai ambulans ngambika ulih mantu mansa nya," ku iya maya ditanya raban pengarang berita.

    Ahmad Nasir madahka tubuh tauka bangkai magsa dianjung ke Bilik Forensik Hospital Kulim kena bejalaika pengawa bedah siasat sebedau dianjung ngagai bala ke sepintu bilik enggau iya kena nyengaie enggau nguburka mansa nya.

    Kes tu dipansik ari baruh Seksyen 41 (1) Akta Pengangkutan Jalan 1987.

    Berebak enggau tu, kami ari raban BeritaIban.com ngarapka semua bala ke sepintu bilik enggau niang tu ulih ngeringka ati napi penguji tu. 😢



    Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: