Pesan Pemati: Kuta anak Manju
Cari Berita

Advertisement

Pesan Pemati: Kuta anak Manju

Chief Editor | Berita Iban MY
May 2, 2018

Selamat Pagi Hari Tiga, 2 haribulan 5, 2018 ngagai bala pemacha semua.

RIP Kuta anak Manju 😢

Pagi tu tadi, raban 'Berita Iban Online' bisi nerima "Pesan Berat tauka Pesan Pemati" ari TR Pelima Anak Lai, peranak Kampung Sungai Indai, Simunjan ti deka mesanka kaban belayan di:

Kampung Sg. Pedada Meludam,
Kampung Raba Sebuyau,
Kampung Bajong Sebuyau,
Kampung Jeragam Sebuyau,
Kampung mambai Sebuyau,
Semua bala kampung di pelilih menua Simunjan baka Kampung Tuba, Mentu, Muding, Sega, Kedumpai, Kepayang, Gayau, Sepauh,

Enggau semua kaban belayan disebarang alai endur diau, ti enda alah disebut ditu, ke ngelala niang Kuta anak Manju.

Kita dipinta datai ngagai rumah panjai, Alamat Rumah: Tuai Rumah Pelima Anak Lai, Kampung Sungai Indai, Simunjan laban Kuta anak Manju udah nadai kena 1 haribulan 5, 2018 (Hari Dua), urung jam 9.40 malam, kemari.

Niang tu deka diintu tauka disengaie bebala mayuh kena seharitu, 2 Haribulan 5, 2018 ( Hari Tiga).

Lalu niang tu deka dikuburka kena pagi 3 Haribulan 5, 2018 ( Hari Empat) di Pendam Kawi, Kampung Sungai Indai, Simunjan.

Kami ari raban BeritaIban.com ngarapka semua bala ke sepintu bilik enggau niang tu ulih ngeringka ati napi penguji tu. 😢

Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇

Petara sigi ngibun sereta ngintu iya ba pengidup ti baru din. Besampi ngagai Petara ti bemulia awakka semengat niang begulai manah enggau iya di Serega.. 🙏
JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu. Terima kasih bala pemacha semua laban udah nulung sereta besaup betesauka pesan tu.