Header Ads

  • Berita Tebaru

    Pesan Pemati: RIP Gelunsin anak Sugi tauka Endeh, bini enggau anak iya

    Selamat pagi Hari Dua, 8 Haribulan 5, 2018 ngagai semua bala pemacha www.BeritaIban.com


    Raban 'Berita Iban Online' bisi nerima "Pesan Berat tauka Pesan Pemati" ari Rundai Anak Sugi, peranak Rumah Dato Nanga Alat ti deka mesanka semua kaban belayan ke ngelala niang:

    Melaki bini:
    1. Gelunsin anak Sugi tauka Endeh (Laki)
    2. Alfreda anak Do (Bini)

    Tiga iku anak seduai iya:
    3. Annatasia Ulas (Indu)
    4. Camilla Angel (Indu)
    5. Richmont Mumin (Laki)

    Kita dipinta datai ngagai rumah panjai, Alamat Rumah: Rumah Dato Nanga Alat laban Gelunsin anak Sugi tauka Endeh (Laki), Alfreda anak Do (Bini) enggau tiga iku anak seduai iya: Annatasia Ulas (Indu), Camilla Angel (Indu),Richmont Mumin (Laki) udah nadai kena 5 haribulan 5, 2018 (Hari Enam), urung jam 3.45 lemai ketegal bebadi ba penusah eksiden di Kilometer 45 Jalai Sibu - Selangau.

    Niang tu deka diintu tauka disengaie bebala mayuh kena seharitu, 8 Haribulan 5, 2018 (Hari Dua).

    Lalu niang tu deka dikuburka kena pagila, 9 Haribulan 5, 2018 (Hari Tiga) di tanah sida iya empu di Ensurai, Nanga Tamin.

    Kami ari raban BeritaIban.com ngarapka semua bala ke sepintu bilik enggau niang tu ulih ngeringka ati napi penguji tu. 😢

    Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇

    Petara sigi ngibun sereta ngintu iya ba pengidup ti baru din. Besampi ngagai Petara ti bemulia awakka semengat niang begulai manah enggau iya di Serega.. 🙏
    JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu. Terima kasih bala pemacha semua laban udah nulung sereta besaup betesauka pesan tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: