RMR1M program perintah ungkup orang ke nadai rumah
Cari Berita

Advertisement

RMR1M program perintah ungkup orang ke nadai rumah

Chief Editor | Berita Iban MY
May 1, 2018

RMR1M: Abang Johari (tiga kiba) ba dalam sebuah rumah RMR1M di Sg Midin di Kuching kemari.

KUCHING: Rumah Mesra Rakyat 1Malaysia (RMR1M) siti program perintah Barisan Nasional (BN) nyendia rumah ngagai rayat ke mengkang nadai rumah.

Menteri Muda ba Opis Kepala Menteri(Undang-Undang, Kaul Perintah Nengeri enggau Perintah Besai enggau Pematau Projek) Sharifah Hasidah Sayeed Ghazali madah, rumah nya ungkup orang ke kurang penatai pemisi sereta sida ke diau di rumah ke enda menyana.

“Tetiap rumah RMR1M, perintah meri sabsidi RM20,000 ke alai rumah tu bisi tiga bilik sereta dua bilik mandi,” ku iya.

Sharifah mansutka jaku nya rambau program penemuai kereja Kepala Menteri Datuk Patinggi Abang Johari Tun Openg ke RMR1M Sg Midin di Samariang ditu, kemari.

Beambika chunto RMR1M di Sg Midin, Sharifah madah projek nya dipungkal lima taun ke udah lalu diatu udah tembu digaga.
Ku iya, ungkus projek manggai RM3.5 juta ke alai perintah udah nyendiaka sabsidi RM1.2 juta.

“Perintah mantu nyendia sabsidi lalu ketegal nya bayar bulan rumah RMR1M tu enda kelalu mar.

“Kelimpah ari nya, perintah mega mayar atur nyambung bekal ai enggau lekterik,” ku Sharifah.

Bela nyempulang Abang Johari iya nya chalun BN di Sitak Parlimen Petra Jaya ke mega Menteri Kereja Raya Dato Sri Fadillah Yusuf. #UtusanBorneo