Sabat mati dilantak kereta api - Berita Iban Online

Header Ads

  • Baru Nyadi

    Sabat mati dilantak kereta api

    Gambar ba palan penusah kenyadi lemai kemari di Machang.

    MACHANG: Siku lelaki penatai ari menua Pakistan bebadi dilantak kereta api maya meraka landasan (jalai kereta api) di Kilometer 468.7, Kampung Paloh Rawa, kemari.

    Penusah nyadi urung  jam 4.38 lemai kemari, mansa ke dikelala enggau nama Shabir Ahmad, 32 taun, bebadi di palan penusah nyadi ketegal balat bakal ba tubuh enggau patah kaki kiba.

    Ketuai Polis Pampang Machang, Deputi Superintendan Dzulkifli Ab Ghani madah, bisi nerima ripot ari mensia mayuh madahka siku lelaki kena lantak kereta api ba palan nya.

    Ku iya, nitihka pansik mansa nya siku ari orang ke bedagangka karpet (sabat ku jaku kitai iban), benung nepan motosikal kediri mereka landasan kereta api ari jalai besai Kampung Paloh Rawa nuju ke Temangan.

    “Lebuh mereka landasan kereta api, dia iya dilantak kereta api ke benung mansang ari Gemas nuju ke Tumpat.

    “Pengudah dilantak kereta api nya ngejungka mansa bebadi di palan penusah kenyadi,” ku iya maya ditanya raban pengarang lemai kemari.

    Ku iya, bangkai mansa dibaie ke Hospital Machang sebedau dibedah siasat enggau kes tu diklasifikasika nyadi kes mati ngenyit.

    Berebak enggau nya, siku peranak menua nya, Nor Hisham Hashim, 28 taun, madahka maya penusah nyadi, iya benung meda televisyen sebedau tekenyit ninga munyi utai meletup balat tungga ke  landasan kereta api ke besemak enggau rumah iya.

    Ku iya, pengudah iya ninga munyi letup nya dia iya lalu beguai angkat, lalu belandak ngagai palan ke balat bunyi nya. Iya pan tekenyit meda siku lelaki dilantak kereta api.

    “Keterubah ia sangka aku chapi ke kena lantak laban nang sigi chapi semampai kena lantak ba palan nya, tang kesekalitu nyau tekenyit aku meda siku lelaki ditisi landasan nya.

    “Lelaki nya ukai peranak menua tu tang kala dipeda bedagang ke karpet ditu. Enda nyangka iya bebadi di palan penusah kenyadi,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads