Siku agu pemanjai lima meter mati ditimbak - Berita Iban Online

Header Ads

  • Baru Nyadi

    Siku agu pemanjai lima meter mati ditimbak

    Agu ke ditimbak peranak Kampung Emplam, pagi tadi.

    KABONG: Siku agu pemanjai lima meter mati ditimbak siku ari peranak Kampung Emplam, pagi tadi.

    Agu nya ditimbak ngena senapang benung iya deka makai jelu tupi peranak menua nya.

    Ketuai Kampung Emplam Boestamam Bakar madahka kes nyadi urung jam 2.30 pagi.

    "Peranak menua nya bisi tepedaka agu ke benung deka makai jelu tupi di baruh rumah.

    "Siku ari peranak menua nya bisi ninga bala jelu tupi memunyi ingar, dia iya ngambi pichit sereta nenggau ke baruh rumah enggau tepedaka siku agu ti besai di baruh rumah iya," ku iya.

    Orang ke ngempu rumah nya lalu ngangauka orang besepiak rumah iya ke bisi senapang enggau lalu nimbak agu nya.

    Kampung Emplam ke berumah di tebing Sungai Seblak ti chukup tebilang enggau mayuh agu enggau beberapa kali udah nyerang mensia ba palan nya.

    Agu di Sungai Seblak mega suah bendar udah makai jelu tupi peranak menua nya.

    Agu ke tama ngagai endur kampung nya ukai utai ti baru baru nyadi ba palan nya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads