Siku indu bebadi tepelanting ke jalai ngelaban arus - Berita Iban Online

Header Ads

  • Baru Nyadi

    Siku indu bebadi tepelanting ke jalai ngelaban arus

    Gambar dipalan penusah kenyadi. Mansa ke bebadi gambar mit (segala).

    KUCHING: Siku indu bebadi pengudah motosikal ke dideriba kaban iya belantak enggau sebuah entukar di Kilometer 18 Jalan Kota Samarahan-Asajaya ditu kemari.

    Mansa ke dikelala enggau nama Fitratul Izzah Hamdan beumur 17 taun, peranak ari Kampung Sebandi Ulu, Asajaya.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madah, mansa maya eksiden nyadi urung jam 3.15 lemai benung deriba motosikal nya dipechayaka ngenyit tepawah lalu ngejungja mansa tepelanting ke jalai ngelaban arus.

    “Mansa begulai enggau kaban iya benung dirantau jalai muak ke Asajaya ngena motosikal ke ditepan seduai iya labuh dulu lalu ngejungka mansa (penumpang) tepelanting ke jalai ngelaban arus enggau dilantak sebuah entukar.

    “Mansa balat bakal enggau disahka bebadi dipalan penusah kenyadi,” ku iya nerangka pengarang berita kemari.

    Ku Alexson, kaban lelaki mansa ke deriba motosikal nya diripotka balat bakal enggau dianjung berumban ke Klinik Asajaya ngambika ulih diperubatka enggau silik agi.

    “Tang indu ke deriba entukar nya diripotka nadai pemedis tauka bakal,” ku iya.

    Bangkai mansa udah dianjung ke Jabatan Perubatan Forensik Hospital Umum Sarawak kena bejalaika pengawa silik agi.

    Kes tu dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads