Header Ads

  • Berita Tebaru

    Siku lelaki dipelabaka ke lenyau, nemu nya mati

    Gambar ba palan penusah kenyadi.

    KUCHING: Siku lelaki kereja kunterik (buruh kasar) diripotka lenyau, ditemu mati sereta dibalut darah ba tubuh, dipechayaka labuh ari tingkat 10 ba 'bangunan' ke benung digaga di Prima Bintawa, di Jalan Daya, Kuching, lemai kemari.

    Mansa beumur 27 taun enggau penatai ari Indonesia ditemu enda enseput urung jam 6 lemai, dipechayaka tegelinchir maya ngereja pengawa di bangunan nya.

    Ketuai Polis Pampang Kuching Asisten Komisioner Ng Ah Lek madahka 'penyelia' lelaki nya belabuh ngiga mansa pengudah iya nadai dipeda maya abis jam gawa.

    Ku iya, pengudah beberapa minit ngiga mansa ba bangunan nya, iya bisi dipadahka lelaki nya ditemu sereta dibalut darah dipechayaka labuh.

    “Mansa gawa nyadi buruh di tapak pembinaan nya enggau benung nembuka  pengawa di tingkat 10, tang pengudah maya abis gawa mansa nya lalu nadai dipeda nya kebuah penyelia ngiga mansa nya.

    “Berindik ari nya, raban Polis udah nerima ripot lalu datai ngesah ngagai palan penusah kenyadi laban deka bejalaika pengawa mansik. Raban Perubat bisi datai ba palan penusah kenyadi ngesahka mansa nya bebadi ba palan penusah kenyadi,” ku iya maya ditanya raban pengarang berita.

    Ng madahka bangkao lelaki lelaki dianjung ke Hospital Umum Sarawak (HUS) kena bejalaika pengawa bedah siasat sebedau diserahka ngagai bala ke sepintu bilik ke deka bejalaika pengawa ngengaie enggau nguburka mansa.

    Ku iya, nitihka asil pansik kes pemati mansa tu nadai bekaul enggau kes jenayah enggau kes diklasifikasika nyadi kes mati ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: