Header Ads

  • Berita Tebaru

    Siku lelaki ngapuska seput ditisi bini di Kilometer 22 Jalan Medamit

    Gambar ba palan penusah kenyadi di Jalan Mendamit tengah hari tadi.

    LIMBANG: Siku lelaki ngapuska seput ditisi bini pengudah pikap ke ditepan seduai iya belantak enggau sebuah agi pikap ke ngena lumur plat Brunei di Kilometer 22 Jalan Medamit, urung jam 12.20 tengah hari tadi.

    Mansa Ramli Laboh, 60 taun, peranak ari Kampung Logan Piasau Tanjung ngapuska seput di palan penusah kenyadi, tang bini iya, 56 taun, bakal ba mua enggau jari ketegal penusah nya.

    Ketuai Polis Pampang Limbang, Superintenden Mohd Bukhori Saffai madah kereta pikap ke ditepan peranak ari Brunei, 43 taun, ari muak ke Bandar Limbang ke Tedungan tepawah ke sepiak kanan jalai lalu belantak enggau pikap ke ditepan mansa.

    "Ketegal eksiden nya, pikap ke ditepan peranak Brunei bepusin sebedau tepawah ke sepiak kiba jalai nuju ke pasar Limbang," ku iya.

    Mansa disahka ngapuska seput tauka midang di palan penusah kenyadi ketegal balat bakal ba pala tang bini iya patah jari kiba enggau bakal ba mua udah dianjung ke Sepital Limbang ngambika ulih diperubatka enggau silik agi.

    Kes tu dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: