Siku lelaki penatai ari Malaysia ditemu midang di gunung Tatra, Poland - Berita Iban Online

Header Ads

  • Baru Nyadi

    Siku lelaki penatai ari Malaysia ditemu midang di gunung Tatra, Poland

    Gambar pengias.

    POLAND: Siku lelaki enggau dokumen pengelala penatai ari Malaysia ditemu midang di gunung Tatra, ku pendakwa di selatan Poland, seharitu tadi.

    Ku Media Poland, ketuai pendakwa di resort pelancongan Zakopane, Barbara Bogdanowicz madah bangkai nya ditemu pelancong kemari besemak siti nuju ke tasik Morskie Oko.

    Ku iya, mansa dipechaya udah midang pengelama beberapa bulan ke udah maya musim chelap (musin luruh) enti nitihka baju chelap ke dikena mansa nya.

    Nitihka pansik tumu, nadai bukti madahka ke kes tu bekaul enggau kes jenayah.

    Ku iya, lelaki nya dipelabaka sesat enggau ngelaban 'suhu beku' tauka kelalu chelap muak ke malam.

    Bedah siasat dipelabaka deka dipejalaika kena pagila.

    Barang ke bisi ditemui ba tubuh mansa nya ianya perengka kena diri iya empu enggau dokumen pengelala (pasport) ke madahka iya penatai ari Malaysia, lelaki enggau beumur 29 taun.

    Piak Opis Kedutaan Malaysia di Warsaw udah dipadahka pasal bangkai peranak Malaysia mansa nya bisi ditemu. #Agensi

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads