Header Ads

  • Berita Tebaru

    Siku nembiak lelaki mati ketegal disengat indu utai

    Gambar pengias.

    MELAKA: Siku nembiak lelaki mati ketegal disengat indu utai (lebah) ditisi jalai Ayer Paabas, Alor Gajah, di Melaka, lemai ensana.

    Mansa, Muhammad Farid Haizad Sufian, 18, disahka mati urung jam 6.30 lemai maya iya benung diperubatka di Hospital Alor Gajah.

    Nitihka dipadah, penusah nyadi urung jam 5.30 lemai lebuh mansa enggau siku agi kaban lagi rakannya berada di kawasan berkenaan, sebelum diserang serangga itu.

    Ketuai Polis Pampang Alor Gajah, Superintendan A Asmadi Abd Aziz madah, nitihka pansik tumu apai mansa nerima talipaun ari kaban anak iya madahka Muhammad Farid udah dibaie ke sepital ketegal sendat seput tauka tusahka enseput pengudah disegat indu utai nya.

    "Asil peresa ba tubuh mansa nya bisi abi sengat ba lengan kiba enggau semua jari iya bebali nyadi chura biru.

    "Taja pia, kes tu nadai bekaul enggau kes jenayah, semina bisi abi kena sengat indu utai aja.

    “Apai mansa mega bisi madahka anak iya nya bisi ngembuan penyakit ampus tauka asma ari mit suba," ku iya nerangka bala pengarang berita kemari.

    Ku A Asmadi, nitihka asil ripot bedah siasat mansa mati ketegal enda tan disengat indu utai nya.

    "Bangkai mansa nya udah dianjung ngagai bala sida sebilik kena bejalaika pengawa nyengaie sereta nguburka mansa. Kes tu diklasifikasika nyadi kes mati ngenyit," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: