Header Ads

  • Berita Tebaru

    Siku orang ke nebas rumput bebadi pengudah di lantak entukar 4WD

    Gambar di palan penusah kenyadi.

    MIRI: Siku orang ke nebas rumput bebadi pengudah di lantak sebuah entukar empat roda (4WD) ke nguji nyeliahka ari ngelantak sebuah van ke benung parking di tisi jalai di Kilometer 43 Jalan Lama Miri-Bintulu ditu, urung jam 6.15 pagi tadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madahka mansa ke bebadi dikelala enggau nama Meli anak Manggang, 50 taun, penatai ari Rumah Meli Kawasan Sungai Setulai Lambir, Kampung Tunku Abdul Rahman.

    "Asil pansik tumu, entukar 4WD benung dirantau jalai ari Bintulu ke Miri, nyadi iya enda meda sebuah van ke bisi parking ditisi jalai ke dipansa iya.

    "Nyau semak enggau van nya, 4WD nya dipechayaka deka nyeliah ke sepiak kiba jalai enggau tepawah lalu ngelantak siku lelaki ke bejalai kaki ke benung nebas rumput di tisi jalai sepiak kiba," ku iya nerangka bala pengarang berita sehari tu tadi.

    Ku Alexson, mansa disahka bebadi di palan penusah kenyadi udah di anjung ke Hospital Miri kena bejalaika pengawa bedah siasat.

    Kes dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: