Siku orang tuai, deriba treler bebadi ketegal eksiden di Sri Aman - Berita Iban Online

Header Ads

  • Baru Nyadi

    Siku orang tuai, deriba treler bebadi ketegal eksiden di Sri Aman

    Gambar ba palan penusah kenyadi pagi tadi.

    SRI AMAN: Siku orang tuai (warga emas) bebadi pengudah treler ke ditepan iya  belantak enggau sebuah agi treler di Kilometer 18, Jalai Sri Aman-Sarikei ditu, tumu pagi tadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madah bisi nerima ripot maya eksiden nya nyadi urung jam 5.30 pagi tadi, pengudah treler ke ditepan  mansa ari Betong nuju ke Sri Aman tepawah lalu tama lurung ngelaban arus jalai.

    "Maya raban periman datai ba palan penusah kenyadi, mansa nya tesepit ba endur penuduk deriba ke balat kempik enggau diripotka bebadi ba palan nya.

    "Deriba treler sebuah agi ke beumur 26 taun semina bakal ba jari kanan enggau mua aja.

    "Mansa ke bebadi nya dikelala enggau nama Mahmud Alan, 60 taun", ku iya.

    Tubuh tauka bangkai mansa udah dianjung  Unit Forensik, Hospital Sri Aman kena bejalaika proses bedah siasat.

    Kes tu dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads