Siku pekereja bebadi ketegal tesepit dibaruh lori - Berita Iban Online

Header Ads

  • Baru Nyadi

    Siku pekereja bebadi ketegal tesepit dibaruh lori

    Gambar diambi di palan penusah kenyadi.

    KENINGAU: Siku pekereja mekinik bebadi pengudah tesepit ketegal ditinggang 'bucket' lori di bengkel Majlis Daerah Keningau ditu, pagi tadi.

    Penusah nyadi urung jam 8.55 pagi, Albert Musili, 53 taun, dipadahka benung bejalaika pengawa ngeripay sebuah lori di bengkel nya.

    Ketuai Polis Pampang Keningau, Deputi Superintendan Ahmad Jawila, maya ke ngesahka penusah nya madahka, mansa bebadi lebuh maya dirantau jalai nuju ke sepital.

    "Naka ke diatu kes tu diklasifikasika nyadi kes mati ngenyit," ku iya maya ke ditanya.

    Berebak enggau nya, Ketuai Balai Bomba enggau Penyelamat Keningau, Mudi Pengiran, madah pengudah nerima penerang pasal pemar kenyadi urung jam 8.59 pagi, sembilan iku begulai dua jentera diketuaka Pegawai Bomba Kanan II, Raizaan Ag Damit berumban ngesah ngagai palan pemar kenyadi.

    "Datai ba palan pemar kenyadi urung jam jam 9.06 pagi, operasyen nyelamatka mansa tesepit lalu dipejalaika. Siku mansa lelaki tesepit dibaruh lori ke diempu Majlis Daerah Keningau lebuh maya bejalaika pengawa ngeripay di bengkel nya.

    "Mansa ke bakal ba tubuh dipansutka raban bomba pengudah nya lalu dianjung ke sepital ngena ambulans," ku iya.

    Operasyen tembu urung jam 09.48 pagi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads