Siku retung, empat bakal pengudah dua kereta belantak - Berita Iban Online

Header Ads

  • Baru Nyadi

    Siku retung, empat bakal pengudah dua kereta belantak

    Dua iku raban bomba benung ngemadamka di palan penusah kenyadi lemai kemari. 📷#Bomba

    SUNGKAI: Siku retung tang empat bakal pengudah dua kereta belantak di Jalan Slim River - Sungkai, besemak ladang Sungai Kelah ditu, lemai kemari.

    Eksiden nyadi urung jam 6.25 lemai nya entara sebuah PROTON Wira Sedan ke ditepan empat iku orang enggau PROTON Wira Aeroback ke ditepan siku lelaki.

    Pengari ari Opis Bomba enggau Penyelamat Perak madahka bisi nerima talipaun (panggilan kecemasan) urung jam 6.30 lemai enggau segerup raban Bomba Bidor berumban lalu bekejang ke palan penusah nyadi.

    "Pengudah datai ba palan penusah kenyadi, kereta PROTON Wira Aeroback dipelabaka bisi api tauka angus sereta tepawah ke jalai ngelaban arus lalu ngejungka tama ke dalam parit.

    "Siku mansa tesepit ba dalam kereta nya, disahka raban perubatan bebadi di palan penusah kenyadi," ku iya nerangka pengarang berita lemai kemari.

    Ku iya, empat iku ke nepan PROTON Wira Sedan bakal enggau udah dianjung peranak menua nya ke sepital.

    Ketuai Operasyen, Yussli Latiff, madahka sida ngena dua iti hos kena ngemadamka api ba kereta nya.

    Ku Yussli, pengudah tembu ngemadamka api nya, raban Bomba netak begian luan kereta PROTON Wira Aeroback kena ngemansutka bangkai mansa sebedau nganjung bangkai nya ke balai polis kena bejalaika pengawa mansik enggau operasyen nya tembu urung jam 7.57 malam.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads