Skolarship RM180,000 deka diperebut ba pekit Kumang, Keling Pengerami Gawai Miri 2018 - Berita Iban Online

Header Ads

  • Baru Nyadi

    Skolarship RM180,000 deka diperebut ba pekit Kumang, Keling Pengerami Gawai Miri 2018

    Opis Fajar International College.

    MIRI: Sepenyampau RM180,000 bantu pelajar deka diperebut pemekit Kumang enggau Keling Gawai ti deka diatur di Hotel Meritz ti mega nyadi sebagi ari Pengerami Ngintu Gawai Bagi Menua Miri 2018, ke dipelanja Kolej Antarabansa Fajar.

    Pekit kepenudi ba program taun tu deka diatur kena 19 Mei, ke alai temuai dipebasa iya nya Sapit Kepala Menteri Sarawak, Datuk Amar Haji Awang Tengah Ali Hasan.

    UNGKUP PEKIT: Dr Peter Tham (tiga kiba) nyuaka perais pekit ngagai Capt. Bernard Idit, dikemata Lah Kebing enggau Ricky Walter (terubah enggau dua kiba) sereta Loretta Herbert Madang (kanan) sereta Venezia Doning (dua kanan).

    Bantu pelajar tu endang dipelanja Kolej Antarabansa Fajar, ti deka nyadi sebagi ari perais ngagai tiga penuduki keterubah ba mayuh macham kategori nyengkaum Indu Bidayuh (Dayung), Indu Iban (Kumang), Indu Orang Ulu (Keligit), sereta Keling/Belawan (kategori Lelaki). Bisi 12 iku pemenang ulih minta sebarang program ti bisi disediaka kolej, tauka sida ulih meri terus ngagai bala menyadi sida.

    Tuai pengatur Pengerami Ngintu Gawai Bagi Menua Miri 2018 taun tu iya nya Serakup Bansa Dayak Bidayuh (DBNA), Miri.

    Pengawa udah diatur di kolej nya kena pagi Hari Satu, 30 April tu tadi, digulu Ketuai Pemesai Eksekutif (CEO) Kolej Antarabansa Fajar, Dr Peter Tham, Ketuai Eksekutif Ricky Walter Brooke, Pengatur Pengawa Kanan, Lah Kebing, Capt. Bernard Idit ti nyadi chairman pengatur pengerami, disempulang dua iku kaban komiti pengatur - Loretta Herbert Madang enggau Venezia Anak Doning.

    Ba lansa bukai, sesi akademik baru Kolej Antarabansa Fajar udah nerima rejista. Batang program iya, Diploma in Occupational Safety and Health naka diatu semina program Diploma dalam OSH kolej tu aja diaku/ nerima kelala ari Department of Occupational Safety and Heath (DOSH) Malaysia enggau Institution of Occupational Safety and Heath (IOSH-UK) berebak, kelimpah ari akreditasyen ari Malaysian Qualifications Agency (MQA) adap Malaysia Timur.

    Kelala ari DOSH ngujungka bala pelajar ulih rejista diri empu nyadi pemesai pengelikun enggau pengerai (SHO) enggau DOSH pengudah nembuka tiga taun peneleba bekereja bekaul.

    Beguna amat ke alai bala pelajar kemaya hari berundingka pekara tu laban semina graduet diploma Occupational Safety and Health aja dikelala sereta diterima DOSH ulih minta rejista nyadi SHO.
    Diploma dalam Accountancy ti dikemendarka Opis Menteri Pelajar (MOE), semina siti diploma kolej tu aja ti begulaika aplikasyen sereta mega perakaunan berkomputer, iya nya semina siti aja program ti udah nerima kelala penuh ari MQA lalu ari nya nempa iya nyadi siti ari kelayakan perakaunan pemadu dipinta di menua tu.

    Ari akreditasyen tu, Diploma dijamin diterima mayuh dalam akademik enggau industri, kelebih agi enggau penyelai langkar program.

    Program bukai bisi nerima rejista iya nya Diploma in Business Studies enggau Diploma in Human Resource Management. Kededua program tu dikemendarka MOE enggau diakreditasyen ari MQA.   
      
    Bala pelajar tauka apai indai ke bisi ati sekalika datai ngelawa opis mantaika sebarang tanya tauka telefon ba lumur 085-644803, tauka ngelawa website kolej di www.kolejfajar.edu.my tauka email ngagai query@kolejfajar.edu.my. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads