Tumbuhka sistem ke ulih dikena ngaku tanah NCR, ku Kho - Berita Iban Online

Header Ads

  • Baru Nyadi

    Tumbuhka sistem ke ulih dikena ngaku tanah NCR, ku Kho

    AUM PENGARANG BERITA: (ari kanan) Kho, Jeffery sereta Voon lebuh dalam aum pengarang berita ba opis PKR ditu, kemari. 

    KUCHING: Perintah nengeri patut ulih berundingka baru tauka numbuhka sistem Tanah Adat Bansa Asal (NCR) ke ulih ngaku  tauka meri pulai baru ngagai pengempu.

    Sekretari Parti Keadilan Rakyat Stampin Desmond Kho, madahka pekara nya patut dikemeratka perintah nengeri ke diiring Datuk Patinggi Abang Johari Tun Openg.

    “Aku ngasaika patut dikeingatka ngagai Kepala Menteri kitai iya nya rayat ke udah inggar bejaku lebuh maya Pengawa Bepilih Besai Ke-14 apin lama.

    “Sida (rayat) udah inggar amat bejaku ba (PRU14) ti mandangka sida dekaka perintah ti bisi pengibuh ke rayat sereta perintah ke bejalaika pengawa ngena chara ti manah.

    “Dalam klimaks nya, perintah nengeri patut berundingka baru deka meri kelala sistem ke alai hak NCR ulih diaku sereta meri pulai baru ngagai sida (pengempu),” ku iya.

    Kho mansutka pekara nya dalam aum pengarang berita ke diatur ba opis PKR ditu kemari, ke alai iya disempulang Ketuai Raban indu PKR Sarawak Voon Shiak Ni.

    Kelimpah ari nya dalam aum pengarang berita ke sama sapit ketuai raban nembiak PKR, Jeffery Mok lebuh ke ngenang isu bekaul enggau Parti Rakyat Bersatu Sarawak (SUPP) iya minta presiden parti nya Datuk Dr Sim Kui Hian ngayanka integriti enggau reputasyen ke manah.

    Iya madahka nya bekaul enggau isu 1MDB bepelasarka ripot Sarawak Report ke alai parti nya bisi nerima RM1 juta ari akaun Najib”Saudi Donor” ke diberi ngena dua check ngagai SUPP kena 09/02/2012 enggau 05/04/2013.

    “Dikena meresi sereta ngamatka integriti enggau reputasyen, kami ngansak Dr Sim meresi sereta ngemudahka MACC bejalaika pengawa nasat bekaul enggau skandal nya,” ku iya.

    Kena 6 Mei 2016 Dr Sim kala meri timbal madahka nadai kala meda check  ari Datuk Seri najib Tun Razak ngagai SUPP, ngayanka iya deka nyeliahka ari meri pekara ke amat ngagai mensia mayuh, ku Jeffery. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads