Undang-undang bekaul pengereja pengawa, pengaji patut sebaka enggau Semenanjung, ku Soo - Berita Iban Online

Header Ads

  • Baru Nyadi

    Undang-undang bekaul pengereja pengawa, pengaji patut sebaka enggau Semenanjung, ku Soo

    Presiden Parti Reformasi Sarawak (STAR), Lina Soo.

    KUCHING: Pinta nukar Ordinan Pengereja Pengawa Sarawak (SLO) 1952 enggau Akta Pengaji 1955 ti dikena di Semenanjung Malaysia sigi nadai ditegika memanah di nengeri tu.

    Presiden Parti Reformasi Sarawak (STAR), Lina Soo ba penerang madahka kaul pekereja di Sarawak iya nya hak autonomi nengeri ti ngasuh Akta Pengaji 1955 enda dipejalaika di nengeri tu.

    “Kitai meseti nyaga autonomi nengeri kitai ba kaul pekereja. Dikena nukar SLO kitai enggau Akta Pengaji 1955 perintah besai nyangka tau muka pintu penama ngagai rayat ukai peranak Sarawak ti tama enggau nadai atur ti chukup ba penama sida dikena nyaga pekereja kitai empu,” ku Soo ti mansutka penerang beserimbai enggau pengawa ngintu Hari Pekereja kemari.

    Ku iya nambah, perambu ngambika nunda Akta Pengaji Nasional 1955 sebaka enggau pengawa ngelenyauka hak nengeri.

    Ba lansa bukai, Soo ngandak perintah Sarawak nempa mayuh agi pengawa puang ungkup peranak menua tu laban beribu iku raban nembiak Sarawak ninggalka nengeri ngiga pengidup di menua luar.

    “Suntuk runding ukai pekereja enda landik, tang pekereja ti bepenau, profesional enggau bepengelandik. 

    Taja nyadi pengeluar minyak enggau gis, tebal agi pengaji dalam industri minyak enggau gis Sarawak iya nya ukai peranak Sarawak, seraya beberapa iku peranak Sarawak kitai ditemu bekereja luar tebing tasik ba kompeni minyak enggau gis antarabansa.

    Soo udah ngingatka ba randau pengawa numbuhka Malaysia dalam taun 1962, servis perintah Borneonisation di Sarawak dijamin.

    “Ba Pengawa Bepilih Besai Ke-14 (GE14) tu, sekalika Barisan Nasional (BN) tauka Pakatan Harapan (PH) bela bejakuka pengawa nyaga tetiap peranak Sarawak diambi bekereja, ditikika gaji, gaya bekereja enggau gaya idup ti menyana agi ungkup bala pekereja,” ku iya nambah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads