Header Ads

  • Berita Tebaru

    367 iti kes betunu udah dirikod ba Sarawak dalam taun 2018

    Nunu ba kebun. #GambarPengias

    SIBU: Direktor Opis Bomba enggau Penyelamat Malaysia (JBPM) Sarawak, Nor Hisham Mohammad madahka bisi 367 iti kes betunu ti udah ngaul 315 ikar tanah di nengeri tu ti udah dirikod ari 1 Januari nyentuk 17 Jun dalam taun tu.

    Ku iya, penyampau nya bisi nambah 18.7 peratus dalam kes enti dibanding enggau timpuh ke sebaka ba taun nyin kemari.

    “Tanah pemesai 315 ikar ti udah dikeruga laban pengawa betunu tu di Sarawak tu iya nya baka tanah kebun bedandang besai, kampung, repa enggau palan endur muai sampah,” ku Nor Hisham kemari.

    Iya madah munyi nya lebuh ti ditanya bekaul kes nunu enggau tebuka ke udah dirikodka ba Sarawak taun tu.

    Nor Hisham madahka ba bulan April udah ngerikodka penyampau pengawa betunu ti pemadu tinggi iya nya bisi 90 kes.

    “Ari 1 nyentuk 17 Jun, piak JBPM udah ngerikodka 75 iti kes nunu,” ku iya madah.

    Beserimbai enggau nya, iya nangkan mensia mayuh ngambika bejejaga lebuh ti ngaga pengawa betunu.

    “Nyema kita ngaga pengawa nya ungkup pengawa bekebun dandang besai tauka ba laman belakang sekali pan, tentuka pengawa nya dikemata.

    “Tu nyengkaum nyediaka kereban madamka api baka baldi ti bisi ai dikena madamka api nyema bisi angus nyadi,” ku iya madah.

    Ku iya nandu, pengaw nya mega endang dikemerat kelebih agi sida ke ngaga pengawa betunu ba kandang endur tanah paya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: