Header Ads

  • Berita Tebaru

    Abang Johari deka berundingka perambu Masing

    Abang Johari bejaku ngagai pemberita di Kuching sehari tu.

    KUCHING: Kepala Menteri Datuk Patinggi Abang Johari Tun Openg madah deka merunding perambu ari Parti Rakyat Sarawak (PRS) sentang atur numbuhka seiti parti ti ngarika genap pupu bansa di nengeri tu.

    Iya ke mega Presiden Parti Pesaka Bumiputera Bersatu (PBB) madah bisi nerima perambu nya ari Presiden PRS Tan Sri James Masing.

    "Sigi amai iya (Masing) bisi mai perambu nya. Kitai, Gabungan Parti Sarawak (GPS) deka  berundingka perambu nya.

    "Tang pekara tu sebengkah evolusyen lalu kitai anang begaut," ku Abang Johari mansutka jaku nya lebuh dikerandau pengudah meri basa ke penudi ngagai niang Datuk Sim Swee Yong di lorong 2A, Everbright Estate Batu Kawa, sehari tu.

    Ngenang kaul ke sama, Abang Johari madah perambu nya ulih dikemujur enti rayat nengeri tu udah bisi runding nuju pekara nya  tauka ba maya sida udah meretika pemerat begempung.

    "Kitai deka berundingka pekara tu, tang begunaka timpuh," ku Abang Johari.

    Masing kena 12 Jun tu tadi ngenataika perambu nya ngagai Abang Johari.

    Perambu dikenatai ba maya empat parti dalam gempung Barisan Nasional (BN) Sarawak nyerara diri ari BN lalu numbuhka GPS. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: