Header Ads

  • Berita Tebaru

    Badu nuduh anti dulu pansik, ku Fadillah

    Kaban Parlimen (MP) Petra Jaya Dato’ Sri Fadillah Yusof.

    KUCHING: Kaban Parlimen (MP) Petra Jaya Dato’ Sri Fadillah Yusof nyangkal tuduh Chairman Pakatan Harapan (PH) Sarawak, Chong Chieng Jen diak 85 peratus ari projek sekula repuk ti nguna Sistem Binaan Berindustri (IBS) laun digaga.

    Fadillah ke mega ex-Menteri Kerja Raya madah tuduh nya enda amat lalu enda beratika pejalai projek nya diatu.

    Nambahka nya Menteri Sains, Pelajar enggau Pansik Teknologi, Dato Sri Michael Manyin mega madah iya enggau opis menteri nadai bisi kaul enggau projek nya lalu minta Fadillah nerang.

    “Chong tau nuduh tang aku deka mansik dulu bagi projek ke udah laun digaga ketegal bisi sekeda projek digaga Opis Kereja Raya (JKR) lalu bisi mega sekeda digaga Opis Pelajar Malaysia (KPM),” ku Fadillah.

    Iya mansutka jaku nya lebuh dikerandau ba Pengawa Ngelalu Pengabang nyerumba Hari Raya Aidilfitri di Dewan CIDB, Jalai Sultan Tengah ditu, kemari.

    Fadillah kemari mansutka penerang ke silik ngambika nadai agi jaku tuduh ayan ba sentang pengawa ngangkatmanah sekula repuk di nengeri tu.

    Maya nyadi Menteri Kereja Raya ku iya, pengawa nyuaka surat setuju nerima, ungkup projek ngaga baru enggau ngangkatmanah sekula repuk nguna sistem IBS di Sarawak diatur kena 23 Februari 2018.

    Renggat keterubah kereja ngangkatmanah sekula repuk di Sarawak mungkur 116 sekula ke alai 50 digaga JKR Malaysia lalu 66 digaga KPM.

    Ku iya nambah, ungkup 50 iti sekula nengah renggat keterubah ke digaga JKR, penyampau 13 kuntrektor udah dichiri JKR Sarawak lalu digaga nengah 13 pakej.

    Semua 50 projek ke digaga JKR di Sarawak patut tembu kena 27 Jun 2018.

    “Aku nerima penerang ari JKR diak naka ke diatu 21 ari 50 projek di Sarawak digaga lengkas ari perambu timpuh asal.

    “Aku mega dipadah sida JKR diak 29 projek bukai bisi laun entara 0.43 peratus nyentuk ngagai 30.76 lalu nya ketegal sekeda penanggul ba palan projek ke meri empas ba kereja ‘piling’.

    “Kebuah bukai iya nya ba kuntrektor empu, bekal perengka kereja enggau gaya hari,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: