Header Ads

  • Berita Tebaru

    Bejimat lebuh nengah jalai alun Jalai Tatau-Bintulu, Sibu-Selangau ke mayuh bengkah endur benung digaga

    Kaban Parlimen (MP) Selangau Baru Bian 📷#MalayMail

    KUCHING: Kaban Parlimen (MP) Selangau Baru Bian betatika penusah ke bisi nyadi ba Km52 Jalai Tatau-Bintulu bedau lama tu tadi.

    Iya madah kena 5 Mei tu tadi, siti badi jalai alun bisi nyadi di Km45 Jalai Sibu-Selangau ngujungka lima iku orang parai nyengkaum dua iku anak mit.

    “Aku deka nemu nama utai ke ngasuh badi nyadi - nyangka nya gaya jalai, tauka orang benung ngaga jalai diatu, entara ke buah tauka nya endang sigi salah mensia empu.

    “Kitai enda tau enda ngemanahka agi ukir sereta jalai ke digaga, tanda jalai enda tau enda digaga manah, lalu gaga ke mayuh agi endur belelak (R&R) niti jalai, kena ngurangka badi.

    “Nya alai, aku ngelalau mensia mayuh ke driba kerita sida iya, bejimat lebuh kita mai kerita niti jalai alun sitak nya,” ku iya ke ngenang mensia mayuh ke niti jalai alun lebuh sida iya pulai kemisi nyambut hari besai tauka mensia mayuh ke niti jalai alun nya empu.

    Baru madah iya deka mai penanggul tu ngagai opis menteri ke patut lalu ngiga chara ke manah agi ke pengelikun mensia mayuh. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: