Header Ads

  • Berita Tebaru

    GPS patut ngembuan langkar kereja manah agi

    Presiden Parti Rakyat Sarawak (PRS)

    KUCHING: Gabungan Parti Sarawak (GPS) patut nempa struktur organisasi enggau langkar kereja ti lebih manah dikena ngerembai maju dalam gaya politik baru diatu.

    Presiden Parti Rakyat Sarawak (PRS), Tan Sri James Masing madahka GPS enda tau nitihka struktur organisasi lama baka di baruh Barisan Nasional (BN).

    Enti GPS enda bejimat sekali tu, serakup baru tu dipelabaka deka lumpuh ba pengawa bepilih ke deka datai.

    “BN alah ukai laban serakup nya enda manah tang laban UMNO kelalu kontrol sereta dominan.

    “Nya alai kitai deka ngemetulka struktur kitai lebih agi dikena ngenukuka pengawa bekunsi kuasa ti  tulin entara parti dalam GPS,” ku iya.

    Iya mansutka pekara nya lebuh dikerandau raban pengarang berita ba Rumah Terbuka Hari Raya Aidilfitri Ketua Menteri di Pusat Konvensyen Borneo Kuching (BCCK) ditu, Hari Lima apin lama.

    Masing ti mega Sapit Kepala Menteri madahka, nyema GPS neruska struktur organisasi ke lama, serakup tu deka nerima nasib ke sama ba pengawa bepilih nengeri 2021 ila.

    “Nya alai kitai enda tau enda nentuka GPS ngembuan struktur organmisasi ti lebih engkeman sereta nadai parti ti bekuasa dalam serakup tu.

    “UMNO kelalu bekuasa, bongkak sereta enggau ningka kitai nyengkaum pemimpinnya ke nyadi faktor besai ngagai pengalah BN ba Pengawa Bepilih Besai Ke-14 (PRU14),” ku iya.

    Ngenang pekara bukai, Masing madahk aprti nya deka berundingka penemu numbuhka ‘Borneo Bloc’ ti diperambuka pemesai enggau kaban poltik ari Sabah.

    Penumbuh ‘Bornoe Bloc’ nya ngemanahka penuduk Malaysia Timur ti nyadi pentadbir begulai dalam perintah besai Malaysia.

    “Aku ngasaika maya kitai begulai laban pemechah parti di Borneo enda mantu kitai semua.

    “Kitai ngereja tu ke pemanah Malaysia, ngambika menua lebih manah sereta perintah besai ti lebih manah,” ku iya madah ngagai pengarang berita. #UtusanBorneo

    No comments

    Post Top Ad