HUS napi penanggul pengurang bekal darah A enggau O - Berita Iban Online

Header Ads

  • Baru Nyadi

    HUS napi penanggul pengurang bekal darah A enggau O

    KURANG DARAH BANSA A ENGGAU O: Tikas pemayuh darah nya ba tikas ke baruh endar, ku penerang ari HUS.

    KUCHING: Tabung Darah Hospital Umum Sarawak (HUS) napi penanggul enggau pengurang bekal darah A enggau O, alai naka kediatu tikas pemayuh darah nya ba tikas ke baruh endar.

    Pengurang bekal darah nya mega ketegal bulan tu bulan orang Islam bepasa alai sida ke bepengarap Islam ke selalu nyali darah, timpuh jam sida iya nyali darah enda lama.

    Mensia mayuh kelebih agi sida ke nyadi penyali darah ke ukai bepengarap Islam dilalau datai lalu nyali darah, baik nya terus ngagai Tabung Darah HUS tauka ngelawa kimpin ke bejalai ujung minggu tu.

    Kimpin nyali darah deka digaga di Eastern Mall di Siburan, Giant Tabuan Jaya, ke deka berengkah digaga kena hari Enam ari pukul 10 pagi ngagai 3 lemai.

    Lalu ba hari Minggu, kimpin tu deka digaga di kompleks bebeli barang di CityOne enggau Boulevard ari pukul 9 pagi ngagai 2.30 ngalih hari.

    Tabung Darah HUS deka dibuka tumu pagi ari pukul 7.30 pagi ngagai 4 lemai sepemanjai bulan Ramadan tu, ke meri peluang penyali darah bepengarap Islam datai nyali darah sida iya.

    Sida orang Islam ke bepasa, dilalau makai enggau chukup maya ‘sahur’, udah nya baru tau nyali darah soda iya ngagai pukul 9 pagi aja.

    Mensia mayuh ke deka nemu pasal penerang tu enggau silik agi tau nalipaun Tabung Darah HUS ba lumur talipaun 082-276797. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads